Main Menu

ગુજરાતને કેન્‍દ્રની સહાયમાં 80 ટકા વધારો થયો છે : શ્રી ડો.કાનાબાર

દિલ્‍હીમાં શ્રી નરેન્‍દ્રભાઇ મોદીની સરકાર આવતા ગુજરાતનો વધુ વિકાસ થયો છે હવે ‘એઇમ્‍સ’ પણ મળનાર છે, સોશ્‍યલ મીડીયામાં કોંગ્રેસે પગારદારોની ટીમ ઉતારી છે લોકો તે જાણે છે તેથી કોંગ્રેસના આવા પ્રચારને મજાકમાં અને હળવાશથી લઇ રહયા છે ચૂંટણીમાં તેની કોઇ અસર નહીં પડે, કોંગ્રેસની કેન્‍દ્રની ગત સરકારે ગુજરાતના પ્રાણ પ્રશ્‍ન સમો નર્મદાનો પ્રશ્‍ન આઠ-આઠ વર્ષથી ટલ્‍લે ચડાવ્‍યો હતો તે લોકો ભુલી શકયા નથી, 1995 પહેલાની સરકારમાં કાયદો અને વ્‍યવસ્‍થાનું શું હાલ હતા ખેડૂતો તેના ખેતરમાં વાવેલું અનાજ પોતાને ઘરે લઇ જઇ શકતો ન હતો ચોરી-લુંટફાટ થતી હતી, ગુજરાતના નાના-નાના ગામડાઓમાં વિકાસની સાથે ભાજપની સરકારે સલામતી પણ આપી છે તેનાથી ગ્રામ્‍ય લોકો ખુશ છે, ભાજપના રાષ્‍ટ્રીય અઘ્‍યક્ષ શ્રી અમિતભાઇ શાહે આપેલો 150બેઠકનો ટાર્ગેટ ભાજપ જરૂર પુરો કરી શકશે, અમરેલી,

દિલ્‍હીમાં શ્રી નરેન્‍દ્રભાઇ મોદીની સરકાર બન્‍યા બાદ ગુજરાત રાજયને અપાતી કેન્‍દ્રની સહાયમાં 80 ટકા વધારો થયો છે તેના પરિણામે ગુજરાત વિકાસ વધુ ઝડપી બન્‍યો છે. કોંગેસની સરકારમાં ગુજરાતની જીવાદોરી સમાન નર્મદા યોજનાનો પ્રશ્‍ન છેલ્‍લા આઠ વર્ષથી ટલ્‍લે ચડયો હતો અને કેન્‍દ્રમાં ભાજપની સરકાર આવ્‍યા બાદ ખુબ ઝડપથી નર્મદાનો પ્રશ્‍ન ઉકલી જતા નર્મદા ડેમના દરવાજા લાગી જતાં ગુજરાતમાં હરીયાળી ક્નાંતિના મડંણ શરૂ થઇ ગયા છે તેમ ભાજપના પ્રદેશ કારોબારી ડેલીગેર ડો.બી.જે.કાનાબારે આજે ‘અવધ ટાઇમ્‍સ’ની ખાસ મુલાકાતમાં જણાવ્‍યું હતું.

ગત ચૂંટણીમાં પ્રચારમાં ભાજપ આગળ હતું. તો આ વખતે સોશ્‍યલ મીડીયામાં પ્રચાર પ્રસારમાં કોંગ્રેસ આગળ છે તેનું શું છે તેવો પ્રશ્‍નના જવાબમાં ડો.શ્રી કાનાબારે જણાવ્‍યું હતું કે, સોશ્‍યલ મીડીયામાં કોંગ્રેસે પગારદારોની ટીમ ઉતારી છે. લોકો પણ આ વાત જાલે છે. કોંગ્રેસના સોશ્‍યલ મીડીયાના પ્રચારને લોકો મજાકમાં હળવાસથી લઇ આવ્‍યા છે. આગામી ચૂંટણીના મતદાનમાં તેની કોઇ અસર નહીં પડે. ભાજપના રાષ્‍ટ્રીય અઘ્‍યક્ષ શ્રી અમિતભાઇ શાહે આપેલો 150 નો ટાર્ગેટ શું પુરો થશે તેવા સવાલના જવાબમાં ડો.શ્રી કાનાબારે જણાવેલ કે 1995પહેલાના કોંગ્રેસના શાસનમાં કાયતદો અને વ્‍યવસ્‍થાની પરિસ્‍થિતિ એકદમ કથળેલી હતી ખેડૂતોની ઉપર જ ખેડૂતોના ઘરે પહોંચવાને બદલે અસામાજીક તત્‍વો લુપ્‍ત જતાં ગામડાઓમાંથી લુખ્‍ખાગીરી નાબુદ થઇ છે ગામડાઓ ગોકુળીયા બન્‍યા છે તેથી લોકો ભાજપને મત આપશે. પૈસા ગમે તેટલા માણસ પાસે હોય પણ, સલામતી ન હોય તો શું કામનું ગુજરાતના લોકોની સલામતી આપી તે ભાજપનું જમાપાસું છે. પાટીદાર ફેકટર અંગે તમારૂં શું કહેવું છે તેવા પ્રશ્‍નના જવાબમાં શ્રી ડો.કાનાબારે જણાવ્‍યું હતું કે પાટીદાર ફેકટરને કોંગ્રેસે ઉભુ કરેલું એક ચિત્ર છે. પાટીદારોનું મહોરૂં પહેરીને પાટીદારોને ગુમરાહ કરવાનો કોંગ્રેસનો આ એક પ્રયાસ છે પણ, તે નિષ્‍ફળ જશે. અને ‘‘દિલ કે અરમા આંસુઓમે બહ ગયે” ગીતની માફક કોંગ્રેસ દર ચૂંટણીની માફક આ વિધાનસભાની ચૂંટણીમાં પરાજય બાદ આત્‍મખોજ કરવા લાગી જશે તેમાં કોઇ શંકા નથી તેમ અંતમાં શ્રી ડો.કાનાબારે જણાવ્‍યું હતું.