Main Menu

અમરેલી શહેર-જિલ્‍લાના પ્રવર્તમાન રાજકારણમાં બે કૌશિકના દબદબા

એક સરખા નામ અને સરખી ઉંમરના કારણે લોકોએ પૂછવું પડે છે કે કયાં કૌશિકની વાત છે
અમરેલી,અમરેલી જિલ્‍લાના રાજકારણમાં દરેક રાજકીય મહાનુભાવોના નામો અલગ-અલગ છે. એક સરખા નામવાળા રાજકીય આગેવાનો લગભગ કોઇ નથી અને જે છે તે તાલુકા કક્ષાએ છે દાખલાતરીકે કાળુભાઇ વિરાણી અને કાળુભાઇ લુણસર તેવી જ રીતે ખાંભા નરેન્‍દ્રભાઇ ફીંડોળીયા (કાળુભાઇ) અને કુંકાવાવમાં નરેન્‍દ્રભાઇ પરવાડીયા. પણ અમરેલીમાં જિલ્‍લાના ધમરોળતા બે યુવાન આગેવાનો હમણાં છવાયેલા છે તેમાં એક છે ભાજપના સાવ નાની ઉંમરના પણ મોટા આગેવાન શ્રી કૌશિક વેકરીયા અને બીજા છે વ્‍યવસ્‍થા પરિવર્તન પાર્ટીના અમરેલી જિલ્‍લાના કર્તા હર્તા એવા હોનહાર યુવા આગેવાન શ્રી કૌશિક ધરજીયા ભાજપમાં શ્રી કૌશિક વેકરીયાની ઉંમર નાની હોવા છતાં વજન અને કામગીરી નોંધપાત્ર છે તેજ રીતે ગઇ જિલ્‍લા પંચાયતની ચૂંટણીમાં ભાજપ અને કોંગ્રેસને ભારે પડી જનાર શ્રી કૌશિક ધરજીયાનો પણ રાજકીય તખતે દબદબો છે. વ્‍યવસ્‍થા પરિવર્તન પાર્ટીના તે વરિષ્ઠ આગેવાન છે. આમ અમરેલીમાં આ બંન્‍ને યુવા આગેવાનોનો દબદબો છે.