Main Menu

જાફરાબાદ ટાઉન-મરીન પોલીસ દ્વારા 350 અટકાયતી પગલા : 6 તડીપાર

ઠેર-ઠેર પેરામિલેટ્રી દ્વારા ઘનિષ્ઠ પેટ્રોલિંગ : જાફરાબાદ શહેરમાં દારૂના હાટડા અને જુગાર બંધ થતા લોકો મુક્‍ત રીતે મતદાન કરી શકે તેવોમાહોલ
રાજુલા,
અમરેલી જિલ્‍લા પોલીસ વડા શ્રી જગદીશ પટેલની સુચનાથી જાફરાબાદમાં નવા આવેલ પી.આઇ.આર.ટી.સનોરા અને મરીન પી.એસ.આઇ.વિજયસિંહ પરમાર દ્વારા આ વિસ્‍તારમાં મુક્‍ત રીતે લોકો મતદાન કરી શકે તે હેતુથી જાફરાબાદ પોલીસ અને પેરામિલેટ્રી ફોર્સ દ્વારા ઠેર-ઠેર ઘનિષ્ઠ પેટ્રોલિંગ ગોઠવવામાં આવે છે અને જાફરાબાદના પી.આઇ.આર.ટી.સનોરાએ 250 જેટલા ઇસમોને ચૂંટણીને ઘ્‍યાને લઇ અટકાયતી પગલા લીધેલ છે. જયારે મરીન પી.એસ.આઇ.વિજયસિંહ પરમાર દ્વારા 150 જેટલા અટકાયતી પગલા લેવામાં આવે છે. અને આઠ જેટલા ઇસમોને તડીપાર કરવામાં આવેલ છે. જેના કારણે અસામાજીક તત્‍વોમાં ફફડાટ વ્‍યાપી જવા પામ્‍યો છે જયારે જાફરાબાદ ટાઉન પોલીસ દ્વારા હજુ પણ તડીપાર અને પાસાઓની ફાઇલોની કામગીરી હાથ ઉપર લેવામાં આવી છે. જયારે જાફરાબાદમાં ઠેર-ઠેર પરાથી બંદર સુધી સી.સી.ટી.વી.કમેરા લગાડવાનું પણ આયોજન હાથ ધરવામાં આવ્‍યું છે .
આમ જાફરાબાદ સેન્‍સેટીવ ગામ હોવાથી અમરેલી પોલીસવડા અને જિલ્‍લા કલેકટર આ શહેર ઉપર બાજ નજર રાખી રહયા છે.
ચૂંટણી પહેલા અટકાયતી પગલાની કામગીરી હાથ ઉપર લેવામાં આવશે. અને ટાઉનની વઢેરાચોકી પીપળીકાંઠાની ચોકીઓ ઉપર વાહન ચાલકોનું પણ ઘનિષ્ઠ ચેકીેં હાથધરવામાં આવતાં હવે શહેરમાં દારૂ ઘુસાડવો પણ મુશ્‍કેલ છે. અને દારૂ જુગાર અંગે ઠેર-ઠેર દરોડા પણ કાર્યવાહી શરૂ છે.