Main Menu

આજે વડાપ્રધાન શ્રી મોદી અમરેલી જિલ્‍લાના મહેમાન

અમરેલી,
ગુજરાત વિધાનસભાની સામાન્‍ય ચૂંટણીઓને અનુલક્ષી અમરેલી જિલ્‍લાના કુરૂક્ષેત્રમાં આજે ભારતના હ્ય્‌દય સમ્રાટ એવા વડાપ્રધાન શ્રી નરેન્‍દ્રભાઇ મોદી આજે અમરેલી જિલ્‍લાના મહેમાન બનશે. અને તેમને સત્‍કારી સ્‍વાગત કરવા માટે જનજનમાં ભારે થનગનાટ ફેલાયો છે.
ગયા વખતે અમરેલીને આધુનિક માર્કેટયાર્ડ તથા અમરડેરીના વિવિધ પ્‍લાન્‍ટ અને અમરહની પ્‍લાન્‍ટ માટેની અઢળક સહાય આપી ગયેલા વડાપ્રધાન શ્રી મોદી આજે પુન અમરેલી જિલ્‍લાના ચલાલામાં પધારશે. અમરેલી જિલ્‍લો જેમની પર ઓળઘોળ છે તેવા વિશ્‍વનાયક શ્રી નરેન્‍દ્રભાઇના ઐતિહાસિક આગમનને લઇ ભાજપના કાર્યકરો તો ઠીક પરંતુ દરેક કોમનમેનમાં ઉત્‍સાહ છવાયો છે. ચલાલા (દાનાભગત) ખાતે શ્રી નરેન્‍દ્રભાઇ મોદીની આજે તા.27 ને સોમવારે બપોરના દોઢ કલાકે યોજાનારી જાહેરસભામાં તેમને સાંભળવા માટે લાખોની સંખ્‍યામાં લોકોની જનમેદની ઉમટશે. આ જગ્‍યાએથી અમરેલી જિલ્લાની ચાર બેઠકોને સિધી અસર થશે.



(Next News) »