Main Menu

અમરેલી જિલ્લાપંચાયતની બિલ્‍ડીંગનું નવનિર્માણ કરાશે

અમરેલી,
અમરેલી જિલ્લાપંચાયત કચેરીનું બિલ્‍ડીંગ લાંબા સમયથી જર્જરીત બનતાં તેમના સ્‍થાનેનવું બિલ્‍ડીંગ નિર્માણ પામશે. હાલમાં જિલ્લાપંચાયત કચેરીના બંને બિલ્‍ડીંગોને તોડવાની કામગીરી આરંભી દેવામાં આવી છે જેમાં એક વિભાગની કામગીરી પૂર્ણ થયેલ છે. જયારે બાજુમાં આવેલ બીજા બિલ્‍ડીંગને પણ તોડવાની કામગીરી શરૂ કરવામાં આવી છે. આ બંને બિલ્‍ડીંગની જગ્‍યાએ એક વિશાળ બિલ્‍ડીંગ નવું નિર્માણ પામશે.
જે માટે જિલ્લા પંચાયત દ્વારા ટેન્‍ડરો બહાર પાડીને અમદાવાદના જયોતિ ઇન્‍ફાટે્રક કંન્‍ટ્રકશનને કામ આપવામાં આવેલ છે.
5960 સ્‍કેવર મીટરમાં જિલ્લાપંચાયતનું નવું બિલ્‍ડીંગ રૂા.15 કરોડ 47લાખ 45.892ના ખર્ચે તૈયાર થશે.
આ નવા બિલ્‍ડીંગને તૈયાર થતા બે વર્ષ જેવો સમય લાગશે. આ બિલ્‍ડીંગના આગળના ભાગે પાર્કિંગની સુવિધા, ગ્રીનરી, બગીચો નિર્માણ કરી સુંદર બિલ્‍ડીંગ નિર્માણ પામશે.
હાલમાં જિલ્લા પંચાયત કચેરીનું અમરેલી બહુમાળીભવનમાં પહેલાં જયાં આરટીઓ કચેરી બેસતી તે સ્‍થળે ફેરવવામાં આવેલ છે.