Main Menu

બગસરામાં બે દુકાનમાં આગ : સાડા સાત લાખનું નુકસાન

બગસરામાં સ્‍ટેશનરોડ ઉપર આવેલી દરજી અને પાનની દુકાનમાં ઇલેકટ્રીક શોટ સર્કિટને કારણે આગ ભભૂકી ઉઠતા રૂપિયા સાડા સાત લાખની નુકસાની થઇ હોવાનું બહાર આવ્‍યું છે.
આ અંગેની વિગતો એવા પ્રકારની છે કે, બગસરામાં સ્‍ટેશનરોડ ઉપર પેટ્રોલપંપ પાસેઆવેલી કેતનભાઇ હિંમતભાઇ શિકોતરા રેડ એન્‍ડ ટેઇલર અને તેની બાજુમાં જ આવેલી અશોકપરી શીવપરીની શિવમ પાનમાં આજે વહેલી સવારે સાડા પાંચથી પોણા છ વાગ્‍યાના અરસામાં ઇલેકટ્રીક શોટસર્કિટને કારણે આગ ભભૂકી ઉઠતા ફ્રાયર ફાઇટરને જાણ કરાઇ હતી.
પરંતુ જયારે દોઢેક કલાકની જહેમત બાદ આગ કાબુમાં આવી ત્‍યાં સુધીમાં રેડ એન્‍ડ ટેઇલરમાંથી સિલાઇ કામના છ કોમ્‍પ્‍યુટરાઇઝ મશીન કિં.રૂા.95000 તથા 30 તૈયાર શુટ, 300 જોડી કપડા, ટેબલ અને પંખો તથા ઇસ્‍ત્રી મળી કુલ રૂા.600000 વસ્‍તુઓ સળગી ગઇ હતી
જયારે, બાજુમાં જ આવેલી શિવમ પાનમાં પણ બે ફ્રિઝ તથા ખાદ્યપદાર્થના પદાર્થો મળી રૂા.દોઢ લાખની વસ્‍તુઓ સળગી ગઇ હોય પોલીસમાં તેની જાણ કરવામાં આવી હતી.