Main Menu

કુંડલાના લીખાળામાં 10 લાખની ચોરી : 3 પરિવારોની હીજરત

સાવરકુંડલાના લીખાળા ગામે માથાભારે તત્‍વોએ બળજબરીથી ત્રણ પરિવારોના ઘર ખાલી કરાવતા પરિવારના 28 લોકો હિજરત કરી ગયા છે. બીજી તરફ તેમના બંધ પડેલા મકાનમાં સાફસફાઇ કરીને તમામ ઘરવખરી, દાગીના રોકડ મળીને 10 લાખથી વધુનો સામાન ચોરી લેવાયો છે. સર્વસ્‍વ લૂંટાઇ જવા છતાં પણ હિજરતીઓ માથાભારે તત્‍વોના ડરથી ગામમાં પ્રવેશી શક્‍તા નથી. બીજી તરફ પોલીસતંત્ર કે વહીવટીતંત્ર પણ હજુ સુધી ઘટના સ્‍થળે પહોંચ્‍યું નથી.
સાવરકુંડલાના લીખાળા ગામે રહેતા ભુપતભાઇ વાઘેલા, બટુકભાઇ વાઘેલા અને હિંમતભાઇ વાઘેલાને તેનાજ કુટુંબી ગોરધનભાઇ વાઘેલા અને ભનુ વાઘેલાએ પંદરેક દિવસ પહેલા જાનથી મારી નાખવાની ધમકીઓ આપતા ડરી ગયેલા આ ત્રણેય પરિવારના 28 લોકો ઘરને તાળા મારી સુરત મુકામે જતા રહયા ત્‍યારે ગત તા.22-1 ની રાત્રે આ ત્રણેય મોટા ડેલા બંધ મકાનોને વિખી ચોરી થયાની ઘટના બની રહી છે. ત્રણેય ડેલાબંધ મકાનોમાં ડેલા સહિત 30 તાળા તોડી અંદર 6 પટારા અને ત્રણ તિજોરી તોડી ઘરવખરી વેરણ-છેરણ કરી રાણીસિક્કા, સોનું, ચાંદી અને રોકડ રકમ સહિત આશરે દસેક લાખની ચોરી કરવામાં તસ્‍કરો સફળ થયા છે. આ બાબતનીપડોસીઓ દ્વારા સુરત સ્‍થિત વાઘેલા પરિવારને ખબર મળતાં તેઓએ સાવરકુંડલા રૂરલ પોલીસમાં જણાવેલ પરંતુ ઘટનાને આજે આઠ દિવસ વિતિ જવા છતાં પોલીસે કોઇ જ કાર્યવાહી કરેલ નથી.
અને આ આમણ પરિવાર આજે પણ આ પોતાના મકાનમાં ડરના માર્યા જઇ શક્‍તા નથી. પરિવારના યુવકે ગામમાં જતા ડર લાગે છે પોલીસે ફરીયાદ પણ લીધી નથી તપાસ પણ કરી નથી તેમ જણાવાયું હતું ત્‍યારે પોલીસ આવશે ડોગ સ્‍ક્નોડ લાવશે. ચોરીનો ભેદ ઉકેલશે તે રાહમાં બેઠા છે અને આજે પણ આ ત્રણ અડીખમ ડેલાઓના 30 રૂમ અને માલસામાન વેરણ-છેરણ પડયો છે પોલીસ હવે આ ઘટનાને આળસ ખંખેરી તપાસ કરશે કે કેમ ?



(Next News) »