Main Menu

ચીનને હંફાવવા એક થશે જાપાન, ભારત, યુએસ, ઓસી

સંયુક્ત યોજનાની કરી શકે છે જાહેરાત 

ચીનના બેલ્ટ એન્ડ રોડ પ્રોજેક્ટને ટક્કર આપવા માટે ઓસ્ટ્રેલિયા, અમેરિકા, જાપાન અને ભારતે મળીને એક સંયુક્ત એક્શન પ્લાન બનાવ્યો છે. આ ચારેય દેશો મળીને સંયુક્ત સ્થાનિક ઈન્ફ્રાસ્ટ્રક્ચર ડેવલોપમેન્ટની યોજના બનાવી રહ્યા છે.

ઓસ્ટ્રેલિયન ફાયનાન્સીયલ રીવ્યુ મુજબ ભારતે આ તૈયારી ચીનના વધતા જતા દબદબાને ઘટાડવા માટે કરી છે. જોકે એક અધિકારીનુ કહેવુ છે કે આ પ્લાન હજી નવો છે અને તે એટલો પરીપક્વ નથી કે તેને તાત્કાલિક અમલી બનાવી શકાય. ઓસ્ટ્રેલિયાના વડાપ્રધાન મૈલ્કમ ટર્નબુલ ચાલુ સપ્તાહે અમેરિકાનો પ્રવાસ કરવાના છે આ દરમિયાન આ પ્રોજેક્ટ અંગે વિસ્તૃત ચર્ચા થઈ શકે છે.

આ અધિકારીનુ કહેવુ છે કે આ પ્લાન ચીનના વન બેલ્ટ વન રોડ પ્રોજેક્ટને ટક્કર આપવા માટે નથી પરંતુ તેના વિકલ્પ તરીકે છે. જ્યારે જાપાનના ચીફ કેબિનેટ સેક્રેટરી યોશિંદે શુગાએ ચાર દેશોના સહયોગથી બનનાર આ યોજના અંગે જણાવ્યુ હતું કે, જાપાન-ભારત-અમેરિકા-ઓસ્ટ્રેલિયાએ હંમેશા એવા મુદ્દા પર જ ચર્ચા કરી છે કે જે તેમના હિતમાં હોય.

જાપાન ચીનની વન બેલ્ટ વન રોડ યોજનાને ટક્કર આપવા માટે પુરી રીતે તૈયાર છે.

જાપાન પોતાની ફ્રી એન્ડ ઓપન ઈન્ડોપેસીફિક યોજનાને પ્રમોટ કરવા માટે મોટા ફંડનો ઉપયોગ કરી શકે છે. જાપાનના આ પગલાથી ચીનની વન બેલ્ટ વન રોડ યોજનાને ટક્કર મળી શકે છે. મહત્વનુ છે કે ચીનનો વન બેલ્ટ વન રોડ પ્રોજેક્ટ એશિયા, આફ્રિકા, મધ્યપૂર્વ અને યુરોપ સુધી વિસ્તરાયેલો છે. જેના માધ્યમથી તે ભારતને ઘેરવા માંગે છે.