Main Menu

વાવડા સીમમાં જમીન મુદ્દે તકરારમાં સાતને ત્રણ વર્ષની કેદ

બાબરા, બાબરા તાલુકાના વાવડા ગામની સીમમાં ગત તા.23/10/14 માં થયેલી મારામારીમાં એક જ પરિવારનાં સાત લોકોને જુદા-જુદાં મુદ્દે થયેલી સજા એકી સાથે ભોગવવા મેજીસ્‍ટ્રેટ ઉર્મિલાબેન આહિર દ્વારા હુકમ જારી કરવામાં આવેલ છે. વાવડા ગામે રહેતા કાનજીભાઇ કેશુભાઇ ચોવટીયા અગાઉ શેઢાની જમીન મુદ્દે કરેલી ફરીયાદનું મનદુઃખ રાખી લક્ષ્મણ વલ્‍લભ ઝાલાવડીયા, નરસિંહ વલ્‍લભ ઝાલાવડીયા, ઝવેર વલ્‍લભ ઝાલાવડીયા, ભરત વલ્‍લભ ઝાલાવડીયા, કાળુ લક્ષ્મણ ઝાલાવડીયા, નિલેષ નરશી ઝાલાવડીયા, ભાવેશ નરસિંહ ઝાલાવડીયા દ્વારા ટ્રેકટર રોકી કાનજીભાઇ ચોવટીયા પર ધારીયા પાઇપ લાકડી વડે હુમલો કરી ધમકી આપવામાં આવેલ. જે મુદ્દ બાબરા નામદાર કોર્ટ સમક્ષ કેસ ચાલી જતા ફરીયાદ પક્ષે સરકારી વકીલ પ્રફુલભાઇ બ્રહ્મભટ્ટ અને એ.સી.ભાખરીયા દ્વારા ધારદાર દલિલ કરવા મેજીસ્‍ટ્રેટશ્રી આહિર દ્વારા જુદા-જુદા મુદ્દે ક્નમશઃ સજા ફટકારી હતી જેમાં સૌથી વધુ ગણાતી ત્રણ વર્ષની કેદ અને રૂા.2 હજારનો દંડ ભરવા હુકમ કર્યો હતો.