Main Menu

ખાંભાના નેસડી વિસ્તારમાં ભૂગર્ભ ગટરની સમસ્યા ન ઉકેલાય તો આંદોલન

ખાંભાના નેરડી વિસ્તારમાં ગટરની સમસ્યા ન ઉકેલાય તો લોકો દ્વારા આંદોલન કરવાની ચીમકી સાથે મામલતદારને આવેદનપત્ર પાઠવીને રજૂઆત કરવામાં આવી છે. લાંબા સમયથી ગટરની સફાઈ ન થતા આ વિસ્તારના લોકો ત્રાહિમામ પોકારી ઉઠ્યા છે. આ અંગે કરવામાં આવેલી રજૂઆત મુજબ ખાંભાના નેરડી વિસ્તારમાં આવેલી ભૂગર્ભ ગટર તૂટી ગયેલી છે અને જ્યાં જર્જરીત હોય ત્યાંથી ગટરના પાણીથી માંડીને મળમૂત્ર પણ રોડ પર ઊભરાય છે અને ગંદકી ફેલાય છે. ગટર માટે બનાવવામાં આવેલી કુંડીઓ ક્યાંક ઊંચી તો ક્યાંક નીચી મૂકવામાં આવી છે. આગળના ભાગેથી ગટર સદંતર બ્લોક ાઈ ગઈ હોવાના કારણે ગંદા પાણીનો નિકાલ થતો નથી. રોજિંદી ગટર ઊભરાવાની સમસ્યાના છારણે આ વિસ્તારમાં લોકોને રહેવું પણ મુશ્કેલ બની ગયું છે. ગંદકીના કારણે રોગચાળો ફેલાય છે અને લોકોના સ્વાસ્થ્યને ગંભીર અસર પહોચી રહી છે.  તાજેતરમાં જ આ વિસ્તારમાં રોડનું કામ મંજૂર કરવામાં આવ્યું છે જેમાં બ્લોકનેં કામ મંજૂર કરવામાં આવ્યું છે તેના બદલે રોડ પેવરથી મઢવ માટે પણ માગણી કરવામાં આવી છે. જો આ વિસ્તારની સમસ્યાઓનું નિરાકરણ કરવામાં નહીં આવે તો આંદોલન કરવાની પણ ચીમકી આપવામાં આવી છે.



(Next News) »