Main Menu

શેત્રુંજી તિર્થની યાત્રા પૂર્ણ કરતા હજારો ભાવીકો

સાવરકુંડલા,પાલિતાણામાં તા.27-2 મંગળવારના ઢેબરીયો મેળો અને છ ગાવની મહાયાત્રા પરંપરા મુજબ રીતે મંગળવારની વહેલી સવારે જૈનમ જયંતિ શાસનમ અને આદિશ્ચર દાદાના જયઘોષ સાથે છ ગાઉની મહાયાત્રાનો આરંભ થયો. ઉપરાંત દર વખતની માફક આ વખતે પણ સિઘ્‍ધવડ ખાતે જુદા-જુદા 97 પાલ ઉભા કરવામાં આવ્‍યા હતાં આ પ્રસંગે ગુજરાત તેમજ ગુજરાત બહારના તેમજ સૌરાષ્‍ટ્રના રાજકોટ-ભાવનગર જિલ્લાનાં યાત્રિકો મોટી સંખ્‍યામાં હાજર રહી આ મહાયાત્રાનો લાભ લીધેલ. ફાગણ સુદ તેરસની મહાયાત્રા પ્રસંગે જય તળેટીથી ગીરીરાજ ઉપર વ્‍યવસ્‍થીત રીતે આદિશ્ચર દાદાના ગભાશ સુધી જઇ શકે તે માટે ખાસ આયોજન કરવામાં આવેલ.
આ છ ગાઉની મહાયાત્રા કરતા યાત્રિકોને પ થી 7 કલાકનો સમય લાગેલ. ભાંડવાના ડુંગરથી યાત્રિકો સિઘ્‍ધવડ આવે છે. સિઘ્‍ધવડ ખાતે ભક્‍તિ કરવા માટે 97 પાલ તૈયાર કરવામાં આવેલ. આ પાલમાં યાત્રિકોને દહીં, ઢેબરા, પુરી, ચા, દૂધ, સૂકો મેવો, સાકરનું પાણી આપવામાં આવેલ આ પેઢીના મેનેજર મનસુખ શાહના જણાવ્‍યા અનુસાર પેઢી તરફથી સાદુ અને ઉકાળેલ પાણી તેમજ સિકયોરીટી અને મેડીકલની વ્‍યવસ્‍થા ગોઠવવામાં આવી હતી. યાત્રીકોની સુવિધા સાચવવા અને આદિશ્ચર દાદાનાદરેક યાત્રાળુને દર્શન થાય તેવી વ્‍યવસ્‍થા પ્રાર્થના યુવક જૈનમંડળ ભાવનગર, પાલિતાણા, સાવરકુંડલાના સ્‍વયં સેવકોએ સારી જહેમત લઇ દરેક પોઇન્‍ટર પર સારી વ્‍યવસ્‍થા સેવકોએ સારી જહેમત લઇ દરેક પોઇન્‍ટ પર સારી વ્‍યવસ્‍થા કરેલ.