Main Menu

હરિયાણા વિધાનસભામાં પસાર થયું ઐતિહાસિક બિલ: રેપના કરનારાઓને થશે મૃત્યુંદંડ

બાળકો સાથે થઇ રહેલા રેપના મામલે હરિયાણા વિધાનસભામાં એક ઐતિહાસિક બિલ પસાર કર્યું છે. વિધાનસભાએ 12 વર્ષથી ઓછી ઉંમરના બાળકી સાથે રેપ કરનારને મૃત્યુંદંડ આપવાનું એક બિલ પાસ કર્યું છે. જે હેઠળ દોષિતોને મૃત્યુંદંડ પણ મળી શકે છે. હરિયણામાં છેલ્લા ઘણાં સમયથી સગીર બાળકીઓ પર રેપની ઘટના વધી રહી હતી. જેના કારણે હરિયાણા સરકારની ટીકા થઇ રહી હતી. એક દિવસ પહેલા રોહતકમાં એક વિદ્યાર્થીની સાથે દુષ્કર્મ બાદ હત્યાની ઘટના સામે આવી હતી. આ પહેલા માર્ચ મહિનામાં છ વર્ષની બાળકી સાથે દુષ્કર્મની ઘટના બની હતી. તેમજ સોનીપતમાં સ્કૂલના પ્રિન્સિપાલે વિદ્યાર્થીનીને બોર્ડની પરીક્ષામાં પાસ કરાવવાની લાલચે દુષ્કર્મ આચર્યું હતું. આ સિવાય રાજ્યમાં આવી ઘણીબધી દુષ્કર્મની ઘટના સામે આવી છે અને તેથી રાજ્યમાં વધતીજતી દુષ્કર્મની ઘટનાને કારણે રાજ્ય સરકારે હરિયાણા વિધાનસભામાં આ પ્રકારનું બિલ પસાર કર્યું છે. જેમાં 12 વર્ષથી ઓછી ઉંમરની બાળકી સાથે દુષ્કર્મ કરનારને મૃત્યુંદંડની સજાની જોગવાઇ કરવામાં આવી છે.