Main Menu

કેમિકલ ભરેલી ટ્રકમાં ભીષણ આગ લાગતાં ભારે અફરાતફરી

અમદાવાદ: આણંદ નજીક આવેલ સામરખા ચોકડી પાસે નેશનલ હાઇવે ૪૮ પર એક ટ્રકમાં અચાનક જ ભીષણ આગ ફાટી નીકળતા અફરાતફરી મચી ગઇ હતી. મળતી માહિતી પ્રમાણે નેશનલ હાઇવે ૪૮ પર સામરખા ચોકડી પાસેથી પસાર થઇ રહેલી કેમિકલના ડ્રમ ભરેલી એક ટ્રકમાં અચાનક જ આગ ફાટી નીકળી હતી.

ડ્રાઇવર-ક્લિનર સમયસૂચકતા વાપરી ટ્રકમાંથી કૂદી પડતા બંનેનો બચાવ થયો હતો. જોતજોતામાં જ આગે વિકરાળ રૂપ ધારણ કરી લેતા આ રોડ પરનો ટ્રાફિક કલાકો સુધી થંભી ગયો હતો. બનાવની જાણ થતા ફાયરબ્રિગેડના જવાનોએ તાત્કાલીક ઘટનાસ્થળે પહોંચી જઇ સતત પાણીનો મારો ચલાવી ભારે જહેમત બાદ આગને કાબુમાં લીધી હતી.



« (Previous News)