Main Menu

બાબરામાં શ્રી ઠુમ્‍મરનો શંખનાદ : સરપંચોનું સન્‍માન

અમરેલી,
આગામી વિધાનસભાની ચૂંટણીમાં ભાજપના મુળ ઉખેડી ફેકવા જાહેરમાં શમ્‍દોથી શ્રી વિરજીભાઇ ઠુંમર દ્વારા શંખનાદ કરવામાં આવ્‍યો હતો. પુર્વ સાંસદ અને જીલ્લા કોંગ્રેસના હામી શ્રી વિરજીભાઇ ઠુંમર દ્વારા ઉપસ્‍થિત ગ્રામ્‍ય આગેવાનો અને સરપંચોને સંબોધતા જણાવાયુ હતુ કે ભાજપના કર્તુઓને ઠાલા વચનોથી જનતા ત્રસ્‍ત છે
અને ખેડૂત અને શ્રમીક વર્ગ પિસાઇ રહ્યો છે નોટબંધીનો જો હુકમી જેવો નિર્ણય કરી આખા દેશને બાનમાં લેનાર ભાજપ સરકારને આગામી વિધાનસભામાં જનતા જવાબ આપી ગુજરાતને ભાજપ મુકત કરશે જુના સર્કિટ હાઉસ ખાતે યોજાયેલા જેનીબેન ઠુંમર, મિનાબેન કોઠીવાળ સહિત તાલુકા શહેરના હોદેદારો તાલુકા પંચાયતના સભ્‍યો નગરપાલિકાના સભ્‍યો સહિત મોટી સંખ્‍યામાં ઉપસ્‍થિત મેદની વચ્‍ચે સરપંચ સત્‍કાર સમારોહ યોજાયો હતો જેમનુ સંચાલન આયોજન બિપીનભાઇ વસાણી, રાજુભાઇ ખાત્રોજા, લાલભાઇ જેબલીયા, અશોકભાઇ ખાચર, ચિતરંજન છાટબાર સહિતની કોંગ્રેસ ટીમ દ્વારા કરવામાં આવ્‍યું હતુ બાબરા તાલુકાના 30 ગામોના સરપંચોને શાલ ઓઢાડી શ્રી ઠુંમરે સન્‍માનિત કર્યા હતા અનેસરપંચોએ પણ તેમને સમર્થન કર્યુ હતું.