Main Menu

અરબ સાગરને ધુ્રજાવી અમરેલી આવતા જયોર્જને છ મહીના બાન રખાયેલ

અમરેલી,
આજથી બે સૈકા પહેલાના સમયમાં સૌરાષ્‍ટ્રમાં બહારવડીયાનો જમાનો હતો બહારવટે નિકળવાના અનેક બનાવો બન્‍યા હતા પણ તે સમયે એક તરફથી બહારવટીયા અને બીજી તરફ અરબી સમુદ્રમાં ચાંચીયાઓનો ત્રાસ હતો આ સમયગાળા દરમિયાન અમરેલી સાથે સંકળાયેલ એક અજાયબી ભરી અને અંગ્રેજ હુકુમતનું નાક કાપી લેતી ઘટના જોઇએ.
વડોદરા રાજય ગુજરાતભરમાં પથરાયેલુ હતુ તેને ત્રણ ઠેકાણે દરિયાની સીમા અડતી હતી એક તરફ સુરત નજીક નવસારી, મહેસાણા, સૌરાષ્‍ટ્રમાં ઓખા-દ્વારકા અને આપડી તરફ અમરેલી જિલ્લાના કોડીનાર સુધી વડોદરા રાજય પથરાયેલું હતુ તેમા બહારવટીયાની સાથે સાથે દરિયામાં લુંટારુઓ એટલે કે ચાંચીયાનો પણ ત્રાસ હતો.
કોડીનારને અડીને આવેલા અરબી સમુદ્રમાં પણ ચાંચીયાઓનો કાળો કેર હોય ગાયકવાડ સરકારની માંગણીથી ઇસ્‍ટ ઇન્‍ડીયા કંપનીએ બ્રીટીશ નૌકાદળના કેપ્‍ટન જયોર્જ ગ્રાન્‍ટને કોડીનારના વેલણ મુકેલ અને તેણે અરબ સાગરને ધમરોળતા ચાંચીયાઓને ઝેર કર્યા હતા અને અરબી સાગરને ચાંચીયાઓથી મુક્‍ત કર્યો હતો.
આ સમયે જુનાગઢ છીનવાઇ જતા ખુંખાર બહારવટીયા રામવાળાએ જુનાગઢ સ્‍ટેટ સામે બહારવટુ છેડયું હતુ. આ સમયે કનકાઇ અને બાણેજની ચોકડીએ છોડવડી નજીક દિવના સુંદરજીશેઠના કનકાઇ જતા સંઘને અટકાવીને લુંટવા જતા આ તો યાત્રાળુ સંઘ છે એટલે તેને ન લૂંટાય તેવા વિચારે બાવાવાળાએ સંઘને જવા દેતા સુંદરજી શેઠે તેને કોડીનારના ઘાંટવડ પાસે અંગે્રજ અધિકારી જયોર્જ ગ્રાંટ આ તરફ આવી રહયો હોવાની ટકોર કરતા જ બાવાવાળાએ કોડીનારથી અમરેલી આવી રહેલ બ્રીટીશ અફસરને પકડવા પ્‍લાન તૈયાર કર્યો હતો અને કેપ્‍ટન જયોર્જ ગ્રાન્‍ટની સાથે તેના બે અંગરક્ષક અને એક ખાસદાર એક મુનશી સાથે જયારે દલખાણીયાના નાકે પહોંચ્‍યા હતા અમરેલીમાં તેનુ સન્‍ગાન થવાનુ હતુ ત્‍યારે દલખાણીયાના નાકે તેના બે અંગરક્ષકને મારીને જયોર્જને બંદી બનાવી લેવાયો હતો અને પોણી દુનિયા ઉપર જેના ડંકા વાગતા હતા તેવી બ્રીટીશ સરકારનું પણ નાક કાપી લીધુ હતુ. અરબ સાગરને ધ્રુજાવનાર શક્‍તિશાળી અધિકારીને બાવાવાળાના કબજામાંથી છોડાવવા માટે અંગ્રેજોના તમામ પ્રયાસો નિષ્‍ફળ ગયેલ ગાંડી ગીરમાં રખડતા બહારવટીયાએ એક વાયકા મુજબ છ છ માસ સુધી જયોર્જને બંદી બનાવીને રાખ્‍યો હતો અને હારી થાકી અને આખરે રાજકોટના પોલીટીકલ એજન્‍ટ મારફતે જુનાગઢના નવાબ બહાદુરખાન ઉપર દબાણ લાવવામાં આવતા અંગ્રેજ સૈન્‍ય જુનાગઢને ધમરોળી નાખશે તેવા ડરથી જુનાગઢ રાજયએ હરસુરવાળાને માંડાવડ સહિતના ગામો આપીતેની પાસેથી વિસાવદર પાછુ લઇ બાવાવાળાને પરત અપાતા જયોર્જ ગ્રાંટને મુક્‍ત કરાયો હતો.



(Next News) »