Main Menu

જિલ્લા સંકલનની બેઠકમાં વિવિધ પ્રશ્‍નો મુકતા સાંસદ અને ધારાસભ્‍ય

અમરેલી,
ગ્રામ્‍ય વિસ્‍તારમાં મળતી સુવિધાઓ અને લોક કલ્‍યાણ ની યોજનાઓ પરત્‍વે પ્રજાના પ્રતિનિધીશ્રીઓ દ્રારા મળતી રજુઆતો ને સત્‍વરે ઉકેલવા કલેકટરશ્રી આયુષકુમાર ઓકે જિલ્લાની સંકલન અને ફરિયાદ સમિતિની બેઠકમાં જણાવ્‍યું હતુ.
કલેકટરશ્રી આયુષકુમાર ઓકે જણાવ્‍યું કે, સામાન્‍ય રીતે લોકોના પ્રશ્નો વિષેની રજુઆતો ગ્રામ્‍ય કક્ષાએથી આવતી હોય છે. તેવા સંજોગોમાં તેનું નિવારણલોકપ્રતિનિધી ના સંપર્ક માં રહીને તે જ સ્‍તરેથી ઉકેલવાનો પ્રયાસ અધિકારીએ કરવો જરૂરી છે.આ બેઠક માં સાંસદશ્રી નારણભાઇ કાછડીયાએ પેટા પ્રશ્ર્ન માં વિજળીકરણ,કેન્‍દ્રીય વિદ્યાલય,પ્રવાસનધામ ચલાલા વિકાસ, શિક્ષણ,પાણી પુરવઠો,જમીન અંગેના પ્રશ્નો રજુ કર્યા હતા.ધારાસભ્‍યશ્રી વિરજીભાઇ ઠુંમરે રેલ્‍વે, ગૌચર,સીટી સર્વે,રસ્‍તાઓ સહિતના પ્રશ્ર્નો રજુ કર્યા હતા. આ બેઠકમાં જિલ્લા પંચાયતના પ્રમુખશ્રી રવજીભાઇ વાધેલા,,જિલ્લા પોલીસ વડાશ્રી નીર્લિપ્ત રાય,નાયબ વન સંરક્ષકશ્રી,કાર્યકારી જિલ્લા વિકાસ અધિકારીશ્રી ડોબરીયા,અધિક નિવાસી કલેકટરશ્રી સહિતના અધિકારીશ્રીઓ ઉપસ્‍થિત રભ હતા. આગામી વનમહોત્‍સવ ની ઉજવણી તેમજ જિલ્લા કચેરીઓ વચ્‍ચેના સંકલન ની કાર્યવાહી પણ આ બેઠકમાં કરવામાં આવી હતી.