Main Menu

લીલીયાના અપહરણ અને હત્‍યા કેસમાં પેરોલ જમ્‍પ આરોપીને પકડી પાડતી એલસીબી

અમરેલી,અમરેલી જીલ્‍લાના મોટા લીલીયામાં ગત તા. ૧-૧૦-૨૦૧૩ ના કિકાણી પ્‍લોટમાં રહેતા શિક્ષક ગીરીશકુમાર મણીશંકર ત્રિવેદીના પુત્ર ઋષિકેશ ઉ.વ. ૧૭ નાને કોઈ અજાક્કયા શખ્‍સો લીલીયા ટાઉનમાંથી અપહરણ કરી લઈ ગયેલ અને તેને છોડાવવા ઋષિકેશના પિતા પાસે રૂ. ૩૫ લાખની માંગણી કરેલ હતી. સદરહુ બનાવની ગંભીરતાને ઘ્‍યાને લઈ તત્‍કાલીન એલ.સી.બી. ટીમ દ્વારા ઋષિકેશના મિત્રો અને શકદારો એવા રવિ ઉર્ફે રવિન્‍દ્ર ઘનશ્‍યામભાઈ ભટ્ટ રહે. લીલીયા હાલ સુરત તથા તેના મિત્ર વિજય શામજીભાઈ ધામત રહે. સુરત વાળાઓને ટેકલ કરતા જાણવા મળેલ કે રવિન્‍દ્રને નાણાભીડ રહેતી હોય જેથી તેણે પોતાના ઓળખીતાને જ કિડનેપ કરી નાણા પડાવવાનો પ્‍લાન કર્યો હતો. બનાવના દિવસે રવિન્‍દ્ર અને વિજયએ તેમની એપોલો કારમાં લીલીયા મુકામે ગૌશાળા નજીકથી ઋષિકેશનો અપહરણ કરેલ અને ઋષિના મમ્‍મીનો ઋષિના ફોનમાં ફોન આવતા રવિન્‍દ્રએ ફોન રીસીવ કરેલ અને ઋષિને મુકત કરવાના બદલામાં રૂ. ૩૫ લાખની માંગણી કરેલી. ઋષિએ તેના મમ્‍મીને તેનું કિડનેપીંગ થયાની વાત કરેલી. રોહિશાળા ગામ પાસેથી ગઢડા તરફના રસ્‍તે ગાડી જવા દઈ અને બે ગામ ગયા પછી એક દરગાહ આવે છે.તેની પાસે એક તળાવ આવેલ હોય તે તળાવ પાસે ગાડી ઉભી રાખી ઋષિને ડેકીમાંથી બહાર કાઢી બાવળની ઝાડીમાં લઈ જઈ ઋષિને વિજયે પકડી રાખેલ અને રવિન્‍દ્રએ પોતાની પાસેની છરીના ચાર થી પાંચ ઘા છાતીમાં તથા વાંસાના ભાગે મારી ઋષિકેશની હત્‍યા કરેલ હોવાનું જાણવા મળતા આ અંગે લીલીયા પોલીસ સ્‍ટેશનમાં ફ.ગુ.ર.નં. ૧૪/૨૦૧૩, ઈ.પી.કો. કલમ ૩૬૪(ક), ૩૦૨, ૧૨૦(બી) મજબનો ગુન્‍હો રજી. થયેલ હતો. જે ગુન્‍હાના કામે આરોપીઓ રવિ ઘનશ્‍યામભાઈ ભટ્ટ, વિજય શામજીભાઈ ધામત, જગદિશ શામજીભાઈ ધામત અને કિશન ઉર્ફે કાનો સુરેશભાઈ દવે કુલ ચાર આરોપીઓની ધરપકડ કરવામાં આવેલ હતી. આ ચારેય આરોપીઓ વિરૂઘ્‍ધ ચાર્જશીટ કરવામાં આવેલ હતુ. અને ચારેય આરોપીઓ કાચા કામના કેદી તરીકે અમરેલી જીલ્‍લા જેલમાં હતા. આ કામે અમરેલી સેશન્‍સ કોર્ટ ખાતે કેસ ચાલુ હોય તે દરમિયાન આરોપીઓ વિરૂઘ્‍ધ સજજડ પુરાવાઓ હોય અને આરોપીઓને સજા પડે તેમ હોય જેથી ઉપરોકત પૈકીના આરોપી વિજય શામજીભાઈ ધામતને ગુજરાત હાઈકોર્ટમાંથી દિન-૧૫ની પેરોલ રજા મળતા તે પેરોલ રજા ઉપર મુકત થયા બાદ તા. ૧૨-૨-૨૦૧૬ ના રોજ જેલમાં હાજર થવાનું હતુ. પરંતુ જેલમાં હાજર થયેલ નહી અને છેલ્‍લા બે-અઢી વર્ષથી નાસતો ફરતો હતો. આ પેરોલ રજાપરથી નાસતા ફરતા આરોપી વિજય શામજીભાઈ ધામત ઉ.વ. ૨૧ રહે. મોટા લીલીયા હાલ સુરત મોટા વરાછા, સીટી પેલેસ એપાર્ટમેન્‍ટ, ડી-૨૦૧ વાળાને સુરત કામરેજ ચાર રસ્‍તા મુકામેથી ચોક્કસ બાતમી આધારે ઝડપી લઈ બે-અઢી વર્ષથી પેરોલ જમ્‍પ આરોપીને પકડી પાડવામાં અમરેલી એલ.સી.બી.એ સફળતા મેળવેલ છે.