Main Menu

અમરેલી જિલ્લામાં રેતબંધીથી મઘ્‍યમવર્ગના બજેટ ખોરવાયા

અમરેલી,અમરેલી જિલ્લામાં હાલમાં રેતીની સર્જાયેલી અછતને કારણે ભારે મુશ્‍કેલી સર્જાઇ છે.અને એવો ઘાટ ઘડાયો છે કે, લોકોને ઘર બનાવવા છે રેતી નથી…શ્રમીકોને મજુરી કરવી છે પણ રેતી નથી…. રેતી શા માટે નથી મળતી તેનાથી કોઇને નિસબત નથી પણ રેતી ન હોવાને કારણે જે મુશ્‍કેલી ઉભી થઇ રહી છે તેની બહુ ગંભીર અસરો ઉભી થઇ રહી છે જે આવનારા સમયોમાં દેખાવાની છે અત્‍યારે ચોમાસામાં પાણીનો ઉપયોગ ઓછો થતો હોવાને કારણે લોકો બાંધકામ શરૂ કરતા હોય છે પણ છેલ્લા ઘણા સમયથી અહી સર્જાયેલી રેતીની રામાયણને કારણે ઘરના ઘર બાંધવા માંગતા અનેક મઘ્‍યમ વર્ગના બજેટ ખોરવાઇ ગયા છે અને ઉછીના લઇને પણ રેતી ખરીદવા નીકળે તો ઉચા ભાવે પણ લાચારી કરે ત્‍યારે માંડ માંડ રેતી મળે છે જેના કારણે સમાન્‍યજન ત્રાહીમામ પોકારી ગયો છે અને સાવ ગરીબ એવા શ્રમીકને તો રેતી ન હોવાને કારણે બાંધકામ અટકતા રોજી મળતી નથી ચોમાસુ પણ હવે આવી રહયુ છે આવા સમયે ટંકે ટંકના રોટલા રળતા ગરીબોની હાલત તો ખુબ જ દયાજનક થઇ છે



« (Previous News)