Main Menu

વડીયાના બરવાળા બાવળમાં બાઇક લઇ જતો યુવાન તણાયો : શોધખોળ

વડિયા,
આજે વહેલી સવાર થી જ વડિયા તથા આસપાસના વિસ્‍તારમાં મેધરાજાએ પધરામણી કરી હતી. વડિયા આજુબાજુના ગામડાઓમાં પણ અતી ભારે વરસાદના સમાચાર મળી રહયા છે. સવાર થી સાંજ સુધીમાં પોણા ત્રણ ઇંચ વરસાદ નોંધાયો છે.
હાલ આ લખાઇ છે ત્‍યારે પણ વરસાદ ચાલું છે.વડિયા બાજુમાં આવેલ બરવાળા બાવડ ગામનો યુવાન ભારે પુરના કારણે તણાઇ ગયો હોવાની હકીક્‍ત મળી રહી છે.
જાણવા મળેલી માહિતી મુજબ વડિયા મુકામે વોશીંગ પાવડર અને સાબુનો વેપાર કરતો બરવાળા બાવળનો યુવાન જીતુભાઇ લીંબાભાઇ પાનશુરીયા ઉ.વ.૩૫ આજે બપોર પછી ભારે વરસાદ હોવાના કારણે વડિયા થી બરવાળા બાવળ જવા પોતાની હોન્‍ડા બાઇક સાથે નિકળ્‍યો હતો.
ગામ પાસેજ આવેલ બેઠી ધાબી પરથી પસાર થતા પાણીનાધસમસતા પુરમા બાઇક સાથે તણાઇ ગયો હતો હાલ તેની શોધખોળ ચાલુ છે.
વડિયા મામલતદાર અને પી.એસ.આઇ.તથા તાલુકા વિકાસ અધિકારી સ્‍થળ પર પહોંચી જઇ ટીમો બનાવી શોધખોળ હાથ ધરી છે.