Main Menu

બાબરા સહિત તાલુકાના ગામોમાં સતત ધીમીધારે વરસાદ

બાબરા,
દિવસ ભર સખ્‍ત ઉકળાટ અને વરસાદી ગોરંભા બાદ સાંજે મેધરાજા તાલુકાભરમાં ઓછો વધુ વરસાદ વરસી રહયો છે. બાબરામાં સાંજના ૮ સુધીમાં પોણો ઇંચ તાલુકાના સુખપુર,વાકિયા, વાવડા, કોટડાપીઠા,નવાણીયા,મીયા ખીજડીયા,પાનસડા, ઇસાપર સહિતના ગામોમાં એક થી અઢી ઇંચ વરસાદ પડયાના વાવડ મળીયા રહયા છે. ધીમીધારે શરૂ થયેલા વરસાદ થી શહેરી રોડ રસ્‍તા તેમજ ગ્રામ્‍ય વિસ્‍તારના ખેતરોમાં પાણી ભરાયાછે. તાલુકામાં ગત તા.૨૪/૬ ના ૨૬ મી.મી વરસાદ થયા બાદ આજનો વરસાદ નોંધપાત્ર ગણવામાં આવી રહયો છે. વરસાદથી ઉભાપાકને સામાન્‍ય રાહત થયાનું ધરતી પુત્રો જણાવે છે. આગોતરા વાવેતર વાળા ખેતરોમાં પાણી ભરાવવા અને સુકી ખેતી વાળી જમીનોમાં આજના વરસાદથી જરૂરના સમયે મેધરાજાની પધરામણી થઇ છે. સામાન્‍ય વરસાદના પગલે ગ્રામ્‍ય વિસ્‍તારમાં વિજપુરવઠો ગુલ થવા પામેલ હતો.