Main Menu

સાવરકુંડલાનાં રત્‍નકલાકાર સાથે 30 લાખની છેતરપીંડી કરનાર શખ્‍સનાં જામીન નામંજુર

અમરેલી,
ધંધો કરવાની લાલચ આપી જમીનના કાગળો પર સહી લઇ જમીન ગીરવે આપી 30 લાખ પચાવી પાડનાર 3 શખ્‍સના જામીન અમરેલીની સેશન્‍સ કોર્ટ દ્વારા નામંજુર કરી દેવાયા હતા.આ અંગેની વધુ વિગતો એવા પ્રકારની છે કે, અમદાવાદમાં રહેતા અને હાલ સાવરકુંડલા ખાતે હિરા ઘસવાનું કામ કરતા ભીખુભાઇ વિરાણીને ભાભલુભાઇ બાલુભાઇ વાળા, હકુભાઇ આપાભાઇ વાળા, હિતેશભાઇ બાબુભાઇ ભુવા સહિત અન્‍ય ચાર શખ્‍સોએ ધંધા માટે ઓફર આપી અને ધંધામાં રોકાણ કરવા માટે પૈસાની માંગણી કરી હતી
જેથી ભીખુભાઇના પિતાની જમીન પર સહી લેવા માટે કહયું હતુ જેથી ભીખુભાઇએ તેના પિતાની કાગળો પર સહી મેળવી આરોપી હવાલે કરી દીધા હતા.આ તમામ શખ્‍સે જમીન ગીરવે મુકી 30 લાખ રૂપીયા મેળવી લીધા હતા અને ત્‍યાર બાદ ભીખુભાઇ સાથે કોઇ પણ પ્રકારનો ધંધો ન કર્યો હતો.
આ બનાવની જાણ ભીખુભાઇએ સાવરકુંડલા પોલીસ સ્‍ટેશનમાં નોંધાવતા પોલીસે તમામ સામે છેતરપીંડી સહિતની કલમો હેઠળ ગુન્‍હો નોંધયો હતો. પોલીસે તમામની ઘરપકડ કરી અનેકોર્ટમાં રજુ કર્યા હતા
તેની સુનાવણી સેશન્‍સ કોર્ટમાં ચાલી જતા આજ રોજ આરોપીએ જામીન માટે અરજી કરી હતી જે કોર્ટના જજશ્રી જે.આર.શાહએ ફગાવી દેતા આરોપીને ફરી જેલ હવાલે કરી દેવામા આવ્‍યા હતા.