Main Menu

તેલંગાણામાં મોટી બસ દુર્ઘટના બ્રેક ફેલ થતાં ખીણમાં ખાબકી : બે બાળક સહિત ૫૪ લોકોના મોત

હૈદરાબાદ,
તેલંગાણાના કોંડાગટ્ટુમાં એક પેસેન્જર ભરેલી સરકારી બસ ખીણમા ખાબકી હતી. આ ઘટનામાં ૫૪ લોકોના મોત થયા હતા. સમગ્ર ઘટનાની વિગતવાર વાત કરવામાં આવે તો જ્યારે પેસેન્જરોથી ભરેલી બસ કોંડાગટ્ટુ વિસ્તારમાંથી પસાર થઈ રહી હતી ત્યારે બસની બ્રેક ફેલ થઈ હતી અને બસ સ્પીડમાં હોવાના કારણે સીધી ખીણમાં ખાબકી હતી. આ બસમાં પેસેન્જરો પણ ઓવરલોડિંગ ભર્યા હોવાના કારણ બસ દુર્ઘટનામાં મોટી જાનહાનિ થઈ હતી. અકસ્માતમાં ૨ બાળકો સહિત કુલ ૫૪ લોકોના મૃત્યુ થયા છે. બસમાં લગભગ ૭૫ જેટલા મુસાફરો સફર કરી રહ્યા હતા.
શરૂઆતમાં મળતી પ્રાપ્ત માહિતી અનુસાર, મુસાફરોથી ખીચોખીચ ભરેલી બસ ખીણમાં અચાનક ખીણમાં ખાબકી, જેમાં ૫૪ લોકોના ઘટના સ્થળ પર જ મોત નિપજ્યા છે, જ્યારે અન્ય ઈજાગ્રસ્ત લોકોને રેસ્ક્યૂ કરી સારવાર માટે નજીકની હોસ્પીટલ ખસેડવામાં આવ્યા છે.
કહેવામાં આવી રહ્યું છે કે, તેલંગણા રાજ્ય પરિવહન નિગમ(ટીએસઆરટીસી)ની આ બસ મંગળવારે સવારે કોંદાગટ્ટૂથી જગતિયાલ પાછી ફરી રહી હતી તે સમયે રસ્તામાં શનિવારપેટ ગામ પાસે રોડ પરથી ઉતરી ખીણમાં ખસકી પડતા આ દુર્ઘટના સર્જાઈ છે.
દુર્ઘટના સ્થળે રહેલા સ્થાનિક લોકોના મતે બસની બ્રેક ફેઈલ થવાના કારણે ડ્રાઈવરે સ્ટેરિંક પરથી કાબુ ગુમાવી દીધો. જોકે, પોલીસનું કહેવું છે કે તે પૂરા મામલાની તપાસ કરી રહી છે. આ તપાસ બાદ જ સ્પષ્ટ કારણ બહાર આવશે. કોંડાગટ્ટૂમાં સ્થિત અંજનેય સ્વામી મંદિર ઘણુ પ્રસિદ્ધ છે, જેને સ્થાનિક લોકો તીર્થ સ્તળ તરીકે માને છે. માનવામાં આવી રહ્યું છે કે, આ બસના મોટાભાગના યાત્રાળુઓ મંદિરે દર્શન કરી પાછા ફરી રહ્યા હતા તે સમયે આ દુર્ઘટના સર્જાઈ છે.



« (Previous News)