Main Menu

ધારીના પતિ-પત્‍નીના હત્‍યા કેસમાં એકને આજીવન કેદ

ધારી,
ધારી ખાતે એક ખાનગી હોટલમાં નાણાંકીય લેતી દેતી બાબતે બ્રહ્મ સમાજના પતિ-પત્‍નીની હત્‍યા થઈ હતી. જેમાં આજે મુખ્‍ય આરોપીને આજીવન કેદની સજા ફટકારી છે. જાણવા મળતી વિગત તા. 10-3-14 એટલે કે 4 વર્ષ પહેલા મીરા હોટલમાં દંપતી અશોકભાઈ મનસુખભાઈ મહેતા અને તેના પત્‍ની હર્ષાબેન મહેતા નાણાંકીય લેતી દેતી બાબતે સમાધાન માટે બોલાવ્‍યા હતા. જેવા બેઠકનો દોર શરૂ થયો ત્‍યારે જેણે સમાધાન માટે બોલાવ્‍યા તે આરોપી મહેશભાઈ દવેએ અશોકભાઈની હત્‍યા કરી હતી. બાદમાં બીજા સ્‍થળે અશોકભાઈના પત્‍ની હર્ષાબેનની હત્‍યા કરી હતી.
જેમાં ફરિયાદી પ્રકાશભાઈ ભવાનીશંકાર રવૈયા તથા તેમના ભાઈ સાવરકુંડલા પ્રોફીસર શૈલેષભાઈ રવૈયાના બેન બનેવી થતા હોય જેમાં ફરિયાદીઓ બન્‍યા હતા. જેનો કેસ રાજુલા એડીશનલ સેશન્‍સ કોર્ટમાં ચાલી જતા આરોપી મહેશ મોહન દવેને આજીવન કેદની સજા અને રૂ. 50 હજારનો દંડ ફટકાર્યો હતો. જેમાં ફરિયાદી પક્ષે સરકારી વકીલ રાજુભાઈ જોષી અને રાજુલામાં જોખીયા રોકાયા હતા. આ કેસમાં બંને વકીલોએ ધારદાર દલીલો રજુ કર્યા બાદ સેશન્‍સ કોર્ટના જજ શ્રી એ.કે.શાહે મહત્‍વપુર્ણ ચુકાદો સંભળાવ્‍યો હતો. અત્રે નોંધનીય બાબત એ છે કે149 પાનાના તપાસ અહેવાલ, પંચ, સાક્ષી, જુબાનીના આધારે ડબલ મર્ડર કેસમાં ચુકાદો આવ્‍યો હતો. આજે આ કેસની સુનાવણી હોય તે ઘ્‍યાને લઈ રાજુલા કોર્ટમાં કડક જાપ્‍તો ગોઠવવામાં આવયો હતો.
આ ચુકાદો સાંભળવા ધારી ખાંભાના લોકો ઉમટી પડયા હતા.



« (Previous News)