Main Menu

દલખાણીયાનાં સિંહો ‘ડુબકીયા’ના પાપે તો નથી મર્યાને ?

અમરેલી,ગીરના જંગલમાં સિંહોના મોતના મામલે અનેક પ્રકારની અટકળો ચાલી રહી છે ગીરમાં સિંહોના કમોતનો સીલસીલો સતત શરૂ રહયો છે ત્‍યારે અનેક પ્રકારના ચેકીંગ ચાલી રહયા છે પણ એક ચોંકાવનારી વિગતો બહાર આવવા પામી છે કે સિંહોના મોતનું કારણ રોગીષ્‍ટ પશુ નિકળે તેવી પ્રબળ શકયતાઓ ગીરકાંઠાના ગામડાના લોકો નિહાળી રહયા છે. ધારી પાસેના ગીરના જંગલના પ્રવેશદ્વાર ગણાતા દલખાણીયા પાસે સાપનેશ જતા માર્ગ ઉપર ડેમ વિસ્‍તારમાં ખોડીયાર મંદિર નજીક ડુબકીયા નામનો વિસ્‍તાર આવેલ છે આ વિસ્‍તારમાં સિંહોની સંખ્‍યા સૌથી વધારે છે તેની પાછળ એક ચોંકાવનારી વિગતો પ્રકાશમાં આવી છે.દલખાણીયા ગામમાં આવી સિંહ મારણ કરી જાય કે આસપાસના ગામડામાં મારણ કરે લોકો વનતંત્રને જાણ કરે એટલે વનતંત્ર બોલેરો કાર લઇ શાવે અને મારણને એમા ભરી અને આ ડુબકીયા નામના વિસ્‍તારમાં નાખી આવે એટલે મારણ ગમે તે વિસ્‍તારના સિંહો કરે પણ માલ ખાવા આ ડુબકીયા વિસ્‍તારના લોકોને મળે આને કારણે આ ડુબકીયા વિસ્‍તારના સિંહો એટલા પરાવલંબી થઇ ગયા છે કે તેને મારણ કરતા નથી આવડતુ.અને હદ તો એ થઇ ગઇ છે કે આ ગામડાઓમાં કોઇનું પશુ કુદરતી મોતે મરે કે બીમારીથી મરે લોકો વનતંત્રને જાણ કરે એટલે વનતંત્રની બોલેરો આવી આ મરેલા ઢોરને ઉઠાવી અને ડુબકીયામાં નાખી આવે જેને સિંહો આરોગી જાય તેના નસીબ હોય તો સારુ ભોજન મળે નહીતર રોગીષ્‍ટ ભોજન મળે.