Main Menu

ઉપલેટાના બોમ્‍બનું પગેરુ અમરેલીમાં:આંગડિયુ અમરેલીથી થયેલ

અમરેલી,ઉપલેટાની શાળાને કુરીયર બોમ્‍બથી ઉડાવી દેવાના નિષ્‍ફળ પ્રયાસમાં ચોંકાવનારી વિગતો બહાર આવી છે. ઉપલેટાની શાળાને ઉડાડી દેવા માટે મોકલાયેલ બોમ્‍બ રાજકોટથી અમરેલી આવ્‍યાની શકયતા પણ ચર્ચાઇ રહી છે પણ સાથે સાથે ઉપલેટાના બોમ્‍બનું પગેરુ અમરેલીમાં નિકળતા અમરેલીમાં પણ ખળભળાટ મચી જવા પામેલ છે બોમ્‍બનું આંગડીયુ અમરેલીથી થયેલ હોવાનું અને તપાસનીશ પોલીસ ટીમ શકમંદને લઇને અમરેલી આવી હતી તથા રાજકોટ સાવરકુંડલા રૂટની બસમાં બોમ્‍બ મુકનાર અમરેલી સુધી આવ્‍યો હોવાનું ખુલ્‍યું છે.સાથે સાથે અમરેલીથી જ બોમ્‍બ ઉપલેટા કુરીયર થયાની ચોંકાવનારી વિગતો બહાર આવતા પોલીસે અમરેલીના એસટી ડેપોએથી કુરીયર કંપનીમાં તપાસ કરી અને અમરેલી એસટી ડેપોએ સીસીટીવી ફુટેજ ચકાસી કબજે કર્યા હોવાનું જાણવા મળેલ છે. અને હજુ પણ રાજકોટ પોલીસ દ્વારા અમરેલી આસપાસ જીણવટભરી તપાસ ચાલી રહી હોવાનું જાણવા મળેલ છે.



« (Previous News)