Main Menu

અમરેલી શહેરમાં પાણીની લાઈનો લીકેજ

અમરેલી,અમરેલી શહેરમાં ભુર્ગભ ગટરના ખોદકામ દરમ્‍યાન શહેરના અનેક વિસ્‍તારોમાં પીવાના પાણીની પાઈપ લાઈનો લીકેજ બની છે.અપુરતા વરસાદના કારણે ડેમો પણ ભરાયા નથી. તેમજ નહીવત વરસાદ થવાથી તળ પાણીની પણ સમસ્‍યા સામે ઉભી છે. ત્‍યારે શહેરમાં અનેક સ્‍થળે નગરપાલીકાની પીવાના પાણીની પાઈપ લાઈન લીકેજ હોવાના કારણે જે તે વિસ્‍તારમાં લોકોને પુરતુ પાણી મળતુ નથી. તેમજ પાણીની પાઈપ લાઈનો લીકેજ હોવાના કારણે પાણી રસ્‍તાઓ ઉપર વ્‍યર્થ વહી જઈને પાણીનો દુરવ્‍યય થઈ રહયો છે. ત્‍યારે પાલીકામાં તપાસ કરતા પ્રમુખ જયંતિભાઈ રાણવાએ જણાવ્‍યુ હતુકે ભુર્ગભ ગટરના ખોદકામ દરમ્‍યાન પાઈપ લાઈનો તુટે તો રીપેર કરવાની જવાબદારી કામ કરતી એજન્‍સીની હોય છે. ત્‍યારે ખોદકામ દરમ્‍યાન કામ પુર્ણ થયાબાદ માટી પુરી જતા રહે છે. અને પાણીની લાઈનો લીકેજ રીપેર કરતા નથી. ત્‍યારે પાલીકાની પણ ફરજ બને છે કે કામ શરૂ હોય ત્‍યારે હાજર રહી કામ કરાવવુ જરૂરી છે.
આમા પાડાના વાકે પખાલીે ને ડામ કહેવત જેમ પ્રજાની હાલત બની છે. તો આ બાબતે જિલ્‍લા કલેકટરશ્રી જરૂરી કાર્યવાહી કરાવે તેવી આમ જનતામાં માંગ ઉઠવા પામી છે. દિવાળી પહેલા શહેરમાં પાણીની કટોકટી શરૂ થઈ છે. તો હવે ઉનાળામાં પાણીની વિકરાળ સમસ્‍યા સર્જાય તેવા સંજોગો હાલ જોવા મળી રહયા છે. ત્‍યારે પાણી પહેેલા પાળ બાંધવાની ઉકિતને સાર્થક કરવા માટે વહીવટી તંત્ર દવારા આગોતરૂ આયોજન કરવુ જરૂરી છે.