Main Menu

અમરેલી જીલ્‍લાને તાત્‍કાલીક દુષ્‍કાળગ્રસ્‍ત જાહેર કરો : શ્રીજે.વી.કાકડીયા

ધારાસભ્‍યશ્રી જે. વી. કાકડીયા એ મુખ્‍યમંત્રીશ્રીને તેમજ મામલતદારશ્રી ધારી, બગસરા, ખાંભા તાલુકાને આવેદન પત્ર પાઠવી અમરેલી જિલ્‍લાના ગ્રામ જનોને પડતી મુશ્‍કેલીઓ અને ગ્રામ જનો ના નીચે મુજબના પ્રશ્‍નોનું તાત્‍કાલીક નિરાકરણ લાવવા રજુઆત કરેલ છે. જેમાં અમરેલી જિલ્‍લાને તાત્‍કાલીક ના ધોરણે દુષ્‍કાળ અસરગ્રસ્‍ત જાહેર કરવા અને જિલ્‍લાના ખેડૂતોને 100% વિમો મંજુર કરી અને અમરેલી જિલ્‍લામાં પીવાનાપાણીની તાત્‍કાલિક વ્‍યવસ્‍થા કરવા તથા અમરેલી જિલ્‍લાના ખેડૂતો પુરી મુશ્‍કેલી માં છે ત્‍યારે ખેડૂતનું તમામ દેવુ માફ કરવા અમરેલી જિલ્‍લાના ખેડૂતોની જમીનની માંપણી સેટેલાઈટ થી કરેલ છે જે રદ કરો અને મુળ સ્‍થિતીએ મુકો ધારી તાલુકામાં ઈકોઝોન જાહેર કરેલ છે જે તાત્‍કાલીક રદ કરવા અને અમરેલી જિલ્‍લાના ગરીબ પરીવારો અને મજુરો ને રોજી રોટી મળતી નથી તેઓને તાત્‍કાલીક રાહત કામો ચાલુ કરાવી રોજીરોટી મળે તેવી વ્‍યવસ્‍થા કરવી. અમરેલી જિલ્‍લાના ખેડૂતોને પી.જી.વી.સી.એલ. ના અધિકારીઓ ખોટા ચેકીંગ કરી ને ખુબ હેરાન કરે છે અને ખેડૂતોને ખોટા બીલ આપી ને મોટી રકમ નું ઉઘરાણુ કરે છે તે બંધ થવુ જોઈએ. અમરેલી જિલ્‍લાના નાના ખેડૂતો, મજુરો અને માલધારીઓના માલઢોર માટે ઘાસચારાની તાત્‍કાલીક વિતરણ વ્‍યવસ્‍થા કરવી જોઈએ. અમરેલી જિલ્‍લામાં ખેડૂતોના ખેતીના પાકને રક્ષણ માટે રોજ, ભુંડ, હરણ દ્વારા થતુ નુકશાન અટકાવવા તાત્‍કાલીક સરકારી પગલા લેવા અને ખોડીયાર ડેમ નું પાણી રીઝર્વ રાખી અમરેલી તાલુકો અને સીટી તેમજ ધારી, બગસરા, ખાંભા તાલુકાને મળે તે માટે વ્‍યવસ્‍થા કરવી. ધારી તાલુકાને નર્મદા નું પાણી મળે તેવી વ્‍યવસ્‍થા ગોઠવવી અને ખોડીયાર ડેમ માંથી પાણી બીજા જિલ્‍લાને આપો છો તે બંધ કરાવવુ તેમ ધારાસભ્‍યશ્રીજેવી.કાકડીયાએ માંગણી કરી જણાવ્‍યું છે.