અમરેલી,

લાઠી તાલુકાના દામનગર પટેલ વાડીની સામે વ્રજ કોમ્પલેક્ષમાં આવેલ ઓમ સાંઈ કલીનીકમાં લાઠી તાલુકાના શાખપુર ગામના આસીફભાઈ આરીફભાઈ સૈયદ ઉ.વ. 27 પોતાની પાસે કોઈપણ સરકારમાન્ય એલોપેથીક સારવાર કરવા માટેની ડિગ્રી વગર કલીનીક ચલાવી દર્દીઓ પાસેથી ફી લઈ સારવાર આપી પૈસા વસુલ કરી ડોકટરની રજી. મેડીકલ પ્રેકટીસનરને લગતી ડિગ્રી ન હોવા છતા એલોપેથીક દવાઓ તથા મેડીકલને લગત સાધન સામગ્રીઓનો મુદામાલ રાખી મેડીકલ પ્રેકટીસ કરી પોતાના આ કૃત્યથી માનવ જીંદગી સાથે ચેડા કરી ગુનો કર્યાની લાઠી તાલુકા આરોગ્ય અધિકારી રતિલાલભાઈ રામજીભાઈ મકવાણાએ દામનગર પોલિસ મથકમાં ફરિયાદ નોંધાવી છે.