અમરેલી,
પોલીસ મહાનિરીક્ષક ભાવનગર ગૌતમ પરમારની સુચના અને માર્ગદર્શન હેઠળ પોલીસ અધિક્ષક હિમકરસિંહ દ્વારા અમરેલી જિલ્લામાં સોશ્યલ મિડીયા સબંધીત તેમજ ફાઇનાન્શીયલ ફ્રોડ ગુનાઓનાં આરોપીઓને પકડી પાડવા જરૂરી સુચનાઓ આપેલ હોય જેથી પરિણામલક્ષી કામગીરી કરી આવી ગુનાહીત પ્રવૃતિ કરતા શખ્સોને ઝડપી પાડવા ના.સો.અધિ. અમરેલી વિભાગનાં ચિરાગ દેસાઇનાં માર્ગદર્શન હેઠળ અમરેલી સાયબર ક્રાઇમ પીઆઇ વી.એમ.કોલાદરા દ્વારા જરૂરી ટીમ બનાવી કામગીરી હાથ ધરવામાં આવેલ. જે અંતર્ગત સાયબર ક્રાઇમ પોલીસ સ્ટેશનમાં એ પાર્ટ મુજબનો ગુનો નોંધવામાં આવેલ.આ બનાવની વિગત એવી છે કે, આ ગુનાનાં આરોપી વેરોનીકા એન્ડ્રો અનીકા લથબો ઉ.વ.27 હાલ રહે.જી.1409 વર્ધમાન ગ્રીન કોર્ટસ સેક્ટર-90 ગુરૂગ્રામ હરિયાણા મુળ રે.મેમ્બાઇસે , ઓબોવો, આઇએમઓ સ્ટેટ નાઇજીરીયા વાળાએ સાવરકુંડલાનાં ફરિયાદી સાથે અવાર નવાર મેસેજમાં વાતો કરી ફરિયાદીને વિશ્ર્વાસમાં લઇ મોટી રકમની ગીફ્ટની લાલચ આપી આ ગીફ્ટ દિલ્હી એરપોર્ટ ઉપર આવી ગયેલ છે જે છોડાવવા માટે તેનો ચાર્જ ચુકવવો પડશે. તેમ ફરિયાદીને અવાર નવાર ફોન તથા ટેક્સ મેસેજ કરી તેમજ ફરિયાદીને કુરીયર કંપનીનાંઓએ ઇન્કમટેક્સ ડીપાર્ટમેન્ટનો ટેક્સ તેમજ કસ્ટર ડ્યુટીનો ચાર્જ ભરવો પડશે તેમ જણાવી આ ગીફ્ટનું પાર્સલ છોડાવવા માટે ફરિયાદીને એસબીઆઇ એકાઉન્ટમાંથી અલગ અલગ ટ્રાન્ઝેક્શન દ્વારા કુલ રૂા.14,09,000 બદદાનતથી મેળવી ફરિયાદીનો વિશ્ર્વાસ સંપાદન કરી તેમજ વિશ્ર્વાસઘાત તેમજ ઠગાઇ કરી ગુનો કરેલ. આ ગુનામાં સાયબર ક્રાઇમ પોલીસ સ્ટેશન દ્વારા ગુનામાં ઉપયોગમાં લીધ્ોલ અલગ અલગ મોબાઇલ નંબર તથા જુદા જુદા બેન્ક એકાઉન્ટની વિગત તથા સોશ્યલ મિડીયાનાં જુદા જુદા એકાઉન્ટની વિગતો ચોકસાઇ પુર્વક ટેકનીકલ સર્વેલન્સ તથા એનાલીસીસ આધારે આરોપી નાઇજીરીયન મહિલાને ગુરગ્રામ હરિયાણા ખાતેથી તા.29-5નાં સાયબર ક્રાઇમનાં પીઆઇ વી.એમ.કાલોદરા, પીએસઆઇ કે.એમ.પરમાર, એએસ આઇ હેતલબેન, હે.કોન્સ. આસીફ ભાઇ, પો.કોન્સ.પૃથ્વીરાજસિંહ, અક્ષય ભાઇ દ્વારા કાર્યવાહી કરવામાં આવી