અમરેલી,
ખાંભાના તાલડા ગામે સાડા સતર વર્ષની સગીરાને ભગાડી જનાર 42 વર્ષનાં ઢાંઢાને કોર્ટે 25 વર્ષની સખત કેદની સજા ફટકારી હતી. તા.10-10-2017 માં બનેલા આ બનાવમાં કોર્ટે મહતમ સજા ફટકારી અને દાખલારૂપ ચુકાદો આપ્યો છે. આ કેસની વિગત એવી છે કે, સરકાર દ્વારા એડીશ્નલ પબ્લીક પ્રોસીક્યુટર શ્રી વિકાસ વડેરાએ દલીલ કરી હતી કે, ભોગ બનનારનું અપહરણ કરી તેને ગર્ભવતી બનાવેલ છે અને સમાજમાં 18 વર્ષથી નાની કુમળી દિકરીઓ ઉપર આવા ગુનાઓ વધતા જાય છે. આ ગંભીર પ્રકારનો ગુનો છે. અને તમામ સંજોગોને ધ્યાને લઇ આરોપી કોઇ દયાને પાત્ર રહેતા ન હોય સમાજમાં દાખલો બેસે તેવી કાયદામાં દર્શાવેલી મહત્તમ સજા કરવાની માંગણી કરતા ધારીનાં સ્પેશ્યલ પોક્સો જજ અને બીજા એડીશ્નલ જજ શ્રી એમ.એન.શેખ એ ચુકાદો આપતા જણાવ્યું હતું કે, ભોગ બનનાર 17 વર્ષ અને 6 માસની વયના હતા અને આરોપી 42 વર્ષનાં હતાં. તેમની વચ્ચેનો વય તફાવત જોતા આ પ્રેમ સબંધ નહીં પણ વાસના અને હવસનો સબંધ કહી શકાય. આરોપીએ કન્યાને ભોળવીને શોષણ કરેલ છે તેમ કહી શકાય અને લવ મેરેજ કરેલાનો બચાવ કર્યો છે પણ તેનો પુરાવો રજુ કર્યો નથી. સગીર કન્યાને ભોળવી પત્નિ તરીકે રાખી સતત શારિરીક શોષણ કરેલ છે…તેણીને કાયદેસર પત્નિનો દરજ્જો ન આપી શારીરીક શોષણ કરી ગર્ભવતી બનાવી છે અને સગીર કન્યાએ પીડા સહન કરી સમાજમાં બદનામી વેઠવી પડેલ છે. કોર્ટે આરોપી પરશોતમ ભગવાન સરવૈયા (કુંભાર ઉ.વ.42 ધંધો ડ્રાઇવીંગ, રે.તાલડા, તા.ખાંભા)ને આઇપીસે 363, 366 માં નિર્દોશ જાહેર કરેલ અને પોક્સો એક્ટની કલમ 6 અન્વયે આરોપીને 25 વર્ષની સખત કેદની જેલ તથા 5 લાખનો દંડ ફટકાર્યો હતો અને દંડ ન ભરે તો વધ્ાુ બે વર્ષની કેદ તથા પોક્સો એક્ટની કલમ 4 માં 10 વર્ષની કેદ 50 હજાર દંડ કરી ભોગ બનનારને 5 લાખનું વળતર ચુકવવા હુકમ કર્યો હતો. અત્રે ઉલ્લેખનીય છે કે, ભોગ બનનાર સગીરા તેમની મરજીથી આરોપી પરશોતમ સાથે ભાગી હોવાનું તેણીએ જે તે સમયે પોલીસ સમક્ષ નિવેદનમાં જણાવ્યું હતું પરંતુ તેણીની ઉમર સગીર હોય જેથી કોર્ટે અપહરણનાં ગુનામાં આરોપીને છોડ્યો હતો પણ પોક્સો એક્ટમાં દાખલારૂપ સજા ફટકારી