Main Menu

avadhtim

 

26-01-2020


25-01-2020


24-01-2020


હાઇકોર્ટમાં અમરેલી પાલીકાની જીત : 26મીએ રસ્તાનો પ્રારંભ

અમરેલી,અમરેલી નગરપાલીકા દ્વારા શહેરનાં મુખ્ય માર્ગો તેમજ 76 પેટા માર્ગોને આરસીસીના બનાવવા માટેના ટેન્ડરો બહાર પાડવામાં આવ્યા હતા. જેમાં મહેસાણાની જય કોર્પોરેશન નામની કંપનીએ જરૂરી કાગળો પુરા નહી પાડતા નગરપાલીકાની કમીટી દ્વારા શહેરનાં તમામ રસ્તાઓ આરસીસીના બનાવવા માટેના ખોલવામાં આવ્યા હતા જેમાં મહેસાણાની કંપનીનું ટેન્ડર નહી ખોલવામાં આવતા આ કંપની દ્વારા હાઇ કોર્ટમાં એક રીટ કરી હતી. જેનો આજરોજ હાઇકોર્ટ દ્વારા નગરપાલીકાની તરફેણમાં ચુકાદો આપવામાં આવ્યો હતો અને કંપનીનો દાવો રદ કરી નાખવામાં આવતા નગરપાલીકા દ્વારા રૂા. 12 કરોડના ખર્ચે 76 જેટલા પેટા માર્ગોને આરસીસીના બનાવવાની કામગીરીનો પ્રારંભ 26 જાન્યુઆરીના રોજ કરવામાં આવશે તેમ નગરપાલીકાના સુત્રોએ જણાવ્યુ હતુ.આ અંગેની પ્રાપ્ત વિગતો મુજબ શહેરનાં તમામ રસ્તાઓ પરથી પસાર થતા વાહન ચાલકો તેમજ રાહદારીઓને પારાવાર મુશ્કેલીઓનો સામનો કરવો પડી રહયો હતો. આ સમસ્યા હલ કરવા માટે નગરપાલીકા દ્વારા શહેરનાં મુખ્ય 9 માર્ગો તેમજ 76 જેટલા પેટા માર્ગોને આરસીસીના બનાવવા માટેના ટેન્ડરો બહાર પાડવામાં આવ્યા હતા.
જેમાં ત્રણ જેટલી કંપનીઓએ રોડ બનાવવા માટેના ટેન્ડરો ભર્યા હતા જેમાંથી મહેસાણાની કંપની દ્વારા જરૂરી કાગળો પુરા નહી પાડયા હોવાના કારણે આ કંપનીનું ટેન્ડર ખોલવામાં આવેલ ન હોવાના કારણે કંપનીએ ગુજરાત હાઇ કોર્ટમાં એક રીટ દાખલ કરી હતી. જેનો આજરોજ નગરપાલીકાની તરફેણમાં ચુકાદો આવી જતા નગરપાલીકા દ્વારા શહેરનાં 76 જેટલા પેટા માર્ગોને આરસીસીના બનાવવાની કામગીરીનો પ્રારંભ તા. 26 જાન્યુઆરીથી કરવા માટેની તડામાર તૈયારીઓ શરૂ કરી દીધી છે. આ ઉપરાંત અમરેલી નગરપાલીકાની તરફેણમાં ચુકાદો આવતા આ રસ્તાઓના કામો ઝડપથી પુરા કરવા માટે અમરેલી જીલ્લા કલેકટર આયુષ ઓકે નગરપાલીકાના ચીફ ઓફીસરને સુચના આપી દીધી છે.
અમરેલી નગરપાલીકાની બાંધકામ સમિતિના ચેરમેન કોમલબેન રામાણીએ શહેરનાં 26 જેટલા પેટા માર્ગોના કામો તુરંત હાથ ધરવા અધિકારીઓને સુચના આપી દીધી છે.


23-01-2020


રાજુલામાં રેલવે ટ્રેક પર થી લાલભાઇની લાશ મળી : અકસ્માત કે આપઘાત..?

રાજુલા,રાજુલા ના ભેરાઈ રોડ પર આવેલ લીલાપીર ની ધાર નજીક આવેલ રેલવે ટ્રેક પર બપોર બાદ સાંજ ના સમયે અહી ફાટક નજીક થી લાશ મળી આવી છે જોકે આ ઘટના ના સમાચાર મળતા રાજુલા પી.આઈ.જે.ડી.જાલા ની ટીમ ઘટના સ્થળે પોહચી સ્થાનિક લોકો ની પૂછ પરછ શરૂ કરી તપાસ શરૂ કરી પોલીસ તપાસ કરતા રેલવે ટ્રેક આસપાસ રેહતા લાલભાઈ કાળુભાઇ સોરઠીયા રે રાજુલા ની લાશ હોવાનુ જાણવા મળી રહ્યું છે જોકે ફાટક થી થોડે દુર ઘટના બની હોવાનુ જાણવા મળી રહ્યુ છે અને પરિવાર પાસે થી જાણવા મળતી વિગત મુજબ માનસિક અસ્થિર હોવાને કારણે અકસ્માતે મોત પણ થયુ હોવાનુ પોલીસ ની પ્રાથમિક તપાસ મા જાણવા મળી રહ્યુ છે જોકે હાલ મા રેલવે કર્મચારી અને પોલીસ ઘટના સ્થળે પોહચી તપાસ કરી રહી છે લાશ ને રાજુલા હોસ્પિટલ પોહચાડવા માટે ની કવાયત હાથ ધરી છે.


ખાંભાના ઇંગોરાળાથી વાંકીયા સુધીનો રોડ બનાવવા જોબ નંબર ફાળવો:શ્રી સંઘાણી

અમરેલી,અમરેલી જીલ્લાના ખાંભા તાલુકામા આવેલ ઇંગોરાળાથી વાંકીયા સુધીનો 5 કી.મી. નો ગ્રામ્ય રસ્તો કાંચો છે,જે રસ્તો પાકો બનાવવા અમરેલી જીલ્લા પંચાયત મારફર દરખાસ્ત મોકલાવેલ છે અને આ રસ્તા ઉપર નાના-મોટા પુલો પણ બની ગયેલ છે. તેમજ ઉપરોકત રસ્તો પાકો બની જાય તો ધારી તરફ જવા-આવવા આ વિસ્તારના 10 જેટલા ગામ લોકોને 15 કી.મી.હાલમાં જે ફરીને જવુ પડે છે તેમાથી રાહત મળી શકે તેમ છે. તો ઇંગોરાળાથી વાંકીયા સુધીનો કાંચો રસ્તો પાકો બનાવવા માટે જોબ નંબર મળે તેમ કરવા દિલીપભાઇ સંઘાણીએ જણાવેલ છે.


મોબાઇલ ઉપર ધારાસભ્ય શ્રી પ્રતાપ દુધાત સમજાવતા રહયા અને ચાલુ ફોને કેહુરભાઇએ મોતને મીઠુ કર્યુ

અમરેલી,કોંગ્રેસના યુવા આગેવાન કેહુરભાઇ ભેડાએ આપઘાત કેવા સંજોગોમાં કર્યો હતો તેની પ્રાથમિક વિગતો બહાર આવી છે.18મીએ વહેલી સવારે કેહુરભાઇએ પોતાના નજીકના સાથીદાર અને મિત્ર એવા યુવા ધારાસભ્ય શ્રી પ્રતાપ દુધાતને ફોન કર્યો હતો પણ શ્રી દુધાત ત્યારે સુતા હતા તેથી તેણે તે કોલ રીસીવ કરેલ નહી પણ સવારે ઉઠીને પોતાનો મોબાઇ જોતા તેમા કેહુરભાઇનો કોલ આવેલ હોય તેને ફોન કર્યો હતો કે બોલો શુ કામ હતુ ત્યારે કેહુરભાઇએ મારા ગળામાં ગાળીયો છે અને આ છેલ્લા રામ રામ છે હુ કંટાળી ગયો છુ અને તમારો અવાજ સાંભળવો હતો તેમ જણાવીને પોકે પોકે રડયા હતા આથી જેટલા નાણા જોઇએ તે અને તમામ કરજ પોતે ચુકવી દેશે તેમ કહી અને પ્રતાપ દુધાત આવુ પગલુ ન ભરવા મોબાઇલ ઉપર કેહુરભાઇને કરગરતા રહયા અને કેહુભાઇ લટકી ગયા હતા તેનો અંતીમ તડફડાટ પણ પ્રતાપ દુધાતે મહેસુસ કર્યો હતો અને આ અંતીમ ઘડીના ચાલુ ફોને પ્રતાપ દુધાત સાક્ષી બની રહયા.શ્રી પ્રતાપ દુધાતે જણાવેલ કે, આગલી સાંજે સાંજે છની ફલાઇટમાં હુ સુરત ગયો ત્યારે કેહુરભાઇને કશુ ન હતુ અને આગલી રાત્રે તો અમે સાથે જમ્યા ત્યારે પણ તેને કશુ ન હતુ તો તા. 17મીની સાંજથી 18મીની સવાર સુધીમાં એવુ તો શુ બની ગયું કે કેહુરભાઇએ મોત મીઠુ કરવું પડયું ? શ્રી દુધાતે પોલીસ તંત્રને આની ઉંડી તપાસ કરવાની માંગણી કરી છે.
કેહુરભાઇ યુવાન અને સૌથી અલગ વ્યકતીત્વ ધરાવતા હતા તેમણે વિદાયની છેલ્લી વેળાએ એવી કામના પણ વ્યકત કરી હોવાનું જાણવા મળેલ છે કે જો ચાલે તો મારી કીડની વિપુલભાઇ શેલડીયાને આપજો તેને તકલીફ છે.લાગણીભીના આ માનવીની અકાળે વિદાયથી લીલીયા પંથક સ્તબ્ધ છે અને પોલીસ દ્વારા આ આપઘાતની પાછળના તમામ કારણો ચકાસાઇ રહયા હોવાનું જાણવા મળેલ છે.


માત્ર એક જ રાતમાં એવી કઇ બાબત બની કે કેહુરભાઇએ મોત વહાલુ કર્યુ ? : લોકોમાં ચર્ચા

અમરેલી,અમરેલી જિલ્લા પંચાયતના પુર્વ ઉપપ્રમુખ કેહુરભાઇ ભેડાએ શનીવારે આર્થિક સંકડામણને કારણે કરેલા આપઘાતના બનાવની પાછળ અનેક ચર્ચા ઓ ચાલી રહી છે કારણ કે શુક્રવારે લીલીયાના અકસ્માતના એક બનાવમાં મદદ માટે અમરેલી આવેલા કેહુરભાઇ ભેડા તદન નોર્મલ હતા તેમ તેની સાથેના તેમના સાથીદારોઅ જણાવેલ અને આ જ દિવસે કેહુરભાઇના ખાસ મિત્ર ગણાતા ધારાસભ્ય પ્રતાપ દુધાતનની સાથે તે જમેલા ત્યારે પણ કોઇ અણસાર ન હતો પણ એ શુક્રવાર અને શનીવારની વચ્ચે એવુ તે શુ થઇ ગયું કે શનીવારે સવારે કેહુરભાઇએ આપઘાત કરી લેવો પડયો ?
આવા અનેક સવાલો સાથે કોંગ્રેસના તેજસ્વી અને સીધા લોકોની સાથે જોડાયેલા યુવા આગેવાનની અણધારી વિદાયથી અનેક રહસ્યના વમળો સર્જાયા છે.તેમની નજીકના સુત્રોમાંથી મળતી માહીતી અનુસાર તેમને આર્થિક રીતે સંકડામણ બેન્કે સીસી રીન્યુ ન કરતા અને એક ભાગીદાર છુટા થતા હતી જ પણ તેમા હીંમત હારી જાય તેવી પ્રકૃતિના કેહુરભાઇ ન હતા.
એક સમયે જિલ્લા પંચાયતના પ્રમુખપદના અને વિધાનસભાની ટીકીટના દાવેદાર ગણાતા કેહુરભાઇ ચુસ્ત કોંગ્રેસી હતા કોંગ્રેસની યુવા કેડરમાં તેનું સારુ વર્ચસ્વ હતુ. આહીર સમાજના પણ તે સરળ અને મીલનસાર સ્વભાવના આગેવાન હતા તેમની અણધારી વિદાયએ સૌને આંચકો આપ્યો છે.


40ની સ્પીડ વટયા કે મળશે ઇ-મેમો : અમરેલીમાં ટ્રાફીકનું પ્રાથમિક જાહેરનામુ બહાર પડયું, વાંધા-અરજી મંગાવાયા

અમરેલી,અમરેલીમાં ટ્રાફિકની સમસ્યા નિવારવા માટે કલેક્ટર દ્વારા ખાસ જાહેરનામુ પ્રસિદ્ધ કરીન્ો નો પાર્કિંગ ઝોન, જાહેર પાર્કિંગ સ્થળો, રીક્ષા સ્ટેન્ડ અન્ો અમુક માર્ગોન્ો વન વે જાહેર કરવામાં આવ્યાં છે. આ તમામ વિસ્તારોમાં હવે સીસીટીવી કેમેરાથી મોનિટરીંગ કરવામાં આવશે.
અમરેલીમાં હાલમાં લાંબા સમયથી ટ્રાફિકની સમસ્યા લોકો માટે માથાના દુ:ખાવારુપ બની ગઈ છે અન્ો હાલમાં શહેરના તમામ વિસ્તારમાં તમામ પ્રકારની ગતિવિધિઓ પર નજર રાખવા માટે સીસીટીવી કેમેરા પણ લગાવવામાં આવ્યાં છે અન્ો ત્ોના દ્વારા મોનિટરીં માટે કન્ટ્રોલરુમ પણ શરુ કરી દેવામાં આવ્યો છેત્યારે હવે ટ્રાફિક નિયમન કરવા માટે કલેક્ટર દ્વારા જુદા જુદા આદેશો કરવામાં આવ્યાં છે અન્ો ત્ો અમરેલીમાંથી પસાર થતાં તમામ વાહન ચાલકોન્ો લાગુ પડશે. ત્ોનું પાલન નહીં કરનારા સીસીટીવી કેમેરાની નજરથી બચી નહીં શકે અન્ો ત્ોમની સામે કાર્યવાહી કરવામાં આવશે.અમરેલીમાં લોકોની સતત અવર જવર રહે છે અન્ો ટ્રફિકની સમસ્યા સર્જાય છે ત્ોવા શહેરના મુખ્ય સ્થળોન્ો નો પાર્કિંગ ઝોન તરીકે જાહેર કરવામાં આવ્યાં છે. આ સ્થળોએ કોઈપણ પ્રકારના વાહનો પાર્ક કરવા ગુનો ગણાશે અન્ો કાર્યવાહી કરવામાં આવશે. આ જ રીત્ો લોકોન્ો પોતાના વાહનો પાર્ક કરવા માટે જુદા જુદા સ્થળો પણ જાહેર કરવામાં આવ્યાં છે. આ સ્થળો સિવાય અન્યત્ર આડેધડ પોતાના વાહનો પાર્ક કરી શકાશે નહીં. શહેરમાં રીક્ષાઓના પાર્કિંગ માટે રીક્ષા સ્ટેન્ડ પણ જાહેર કરવામાં આવ્યાં છે. અન્ો અમુક માર્ગોન્ો વન વે જાહેર કરી દેવાયા છે. આ જાહેરનામા બાબત્ો લોકો 30 દિવસમાં પોતાના વાંધા સ્ાૂચનો રજૂ કરી શકશે. આ જાહેરનામાની અસર તમામ વાહન ચાલકો પર થશે.


error: Content is protected !!